- Vi ønskjer at ledig kapasitet på langbølgje blir utnytta, seier statssekretær Roger Ingebrigtsen i Kulturdepartementet. Han viser til at Statens medieforvaltning no er bedt om å lyse ut konsesjon for privat radioverksemd på langbølgje. Sendingane vil foregå på 216 kHz, som tidlegare blei brukt til NRK sine langbølgjesendingar. Konsesjonsperioden vil vere på sju år, og sendingane vil kunne finansierast med reklame.

Ved behandlinga av søknader vil det bli lagt vekt på programplanar og det økonomiske grunnlaget søkjarane har for slik radioverksemd. Selskapet må ha hovudsete i Noreg. Konsesjonen vil truleg ikkje bli fornya etter 7-års perioden fordi frekvensen på lengre sikt kan bli brukt til digitale radiosendingar.

Kontaktperson:
Ekspedisjonssjef Helge Sønneland, Medieavdelinga, tlf. 22 24 80 02