Styrking av museumssektoren

Kulturdepartementet gjer i 2001 framlegg om å styrkje drift og fagleg verksemd ved fleire sentrale institusjonar innanfor museumssektoren.

Tilskotet til Maihaugen, De Sandvigske Samlinger på Lillehammer, er foreslått auka med 2,8 mill. kroner til 24,1 mill. kroner.

Tilskotet til Maihaugen inkluderer statleg driftstilskot til Noregs olympiske museum på 0,4 mill. kroner frå 2001, under føresetnad av at Lillehammer kommune og Oppland fylkeskommune yter tilsvarande tilskot.

Tilskotet til Nordenfjeldske kunstindustrimuseum i Trondheim er foreslått auka med 0,8 mill. kroner til 7,3 mill. kroner.

Tilskotet til Ringve musikkhistoriske museum i Trondheim er foreslått auka med 0,3 mill. kroner til 4 mill. kroner.

Tilskotet til Norsk arkitekturmuseum er foreslått auka med 0,9 mill. kroner til 4,5 mill. kroner.

Tilskotet til Kunstindustrimuseet i Oslo er foreslått auka med 1 mill. kroner til 6 mill. kroner. 0,5 mill. kroner av auken skal nyttast til etablering av designhistorisk samling og innkjøpsfond.

Tilskotet til Nynorsk kultursentrum er foreslått auka med 0,9 mill. kroner til 5,6 mill. kroner.

Tilskotet til Jugendstilsenteret i Ålesund er foreslått auka med 1,1 mill. kroner til 3,1 mill. kroner.

Løyvinga til Norsk museumsutvikling er foreslått auka med 1,7 mill. kroner til 10,5 mill. kroner.