Den Nationale Scene i Bergen får tilsegn om eit statstilskot på 17 mill. kroner til rehabilitering av teatersalongen. Framlegg om dette vart sett fram i statsråd fredag i eit tillegg til budsjettframlegget for Kulturdepartementet for 2001.

Den Nationale Scene har teke på seg å gjennomføre rehabiliteringsprosjektet innanfor ei samla kostnadsramme på 35 mill. kroner. Fritt Ord vil bidra med 10 mill. kroner under føresetnad av at prosjektet blir fullfinansiert i løpet av inneverande år. Bergen kommune og private vil bidra med til saman 8 mill. kroner.

Forslaget frå Kulturdepartementet om tilsegn på 17 mill. kroner vil sikre at prosjektet blir fullfinansiert innanfor den ramma styret for Den Nationale Scene har sett for restaureringsprosjektet.