3,45 millionar kroner til Dalen vassverk i Folldal
Historisk arkiv
Publisert under: Regjeringen Stoltenberg I
Utgjevar: Kommunal- og regionaldepartementet
Pressemelding | Dato: 26.06.2000 | Sist oppdatert: 21.10.2006
Kommunal- og regionaldepartementet gir inntil 3 millionar kroner til grunnvassanlegg og høgdebasseng ved L/L Dalen vassverk i Folldal kommune.
Pressemelding
Nr.: 49/2000
Dato: 26.06.2000
3,45 millionar kroner til Dalen vassverk i Folldal
Kommunal- og regionaldepartementet gir inntil 3 millionar kroner til grunnvassanlegg og høgdebasseng ved L/L Dalen vassverk i Folldal kommune.
- Det er svært positivt at Folldal kommune i samarbeid med Dalen vassverk tek ansvar for å betre drikkevatnet. Godt vatn er viktig både for busetjing og næringsverksemd. Det er derfor viktig at kommunene prioriterer slike tiltak, seier kommunal- og regionalminister Sylvia Brustad.
Prosjektet er rekna til 13,6 millionar kroner og vil skaffe om lag 400 personar vatn som tilfredsstiller kravet til kvalitet i drikkevassforskrifta. I tillegg kan utbygginga etter kvart erstatte fleire mindre vassverk i området.
Program for vassforsyning er eit samarbeidsprosjekt mellom Kommunal- og regionaldepartementet, Sosial- og helsedepartementet og Nærings- og handelsdepartementet og har som mål å støtte kommunane i arbeidet med å forsyne bustader og næringsliv med vatn som tilfredsstiller drikkevassforskrifta. Frå 1995 til 1999 blei det løyvd 374 millionar kroner til utbyggingstiltak. Prosjekt i Hedmark har denne tida fått tildelt 11,88 millionar kroner til utbetringstiltak ved vassverka.