Prosjektet er rekna til 19,4 millionar kroner og vil skaffe om lag 2000 personar vatn som tilfredsstiller kravet til kvalitet i drikkevassforskrifta. I tillegg kan utbygginga etter kvart erstatte fleire mindre vassverk i området.

- Det er svært positivt at Vaksdal kommune tek ansvar for å betre drikkevatnet. Godt vatn er viktig både for busetjing og næringsverksemd. Vaksdal kommune har fått status som omstillingskommune sidan næringsutviklinga har vore svært negativ i mange år. Å betre vasskvaliteten er eit viktig for å få til næringsverksemd i fleire bransjar. Det er derfor viktig at kommunene prioriterer slike tiltak.

Program for vassforsyning er eit samarbeidsprosjekt mellom Kommunal- og regionaldepartementet, Sosial- og helsedepartementet og Nærings- og handelsdepartementet og har som mål å støtte kommunane i arbeidet med å forsyne bustader og næringsliv med vatn som tilfredsstiller drikkevassforskrifta.