Distriktspolitikken på Vestlandet skal drøftast
Historisk arkiv
Publisert under: Regjeringen Stoltenberg I
Utgjevar: Kommunal- og regionaldepartementet
Pressemelding | Dato: 15.09.2000 | Sist oppdatert: 21.10.2006
Til våren legg Regjeringa fram ei stortingsmelding om distrikts- og regionalpolitikken. Som ein del av arbeidet med meldinga har regjeringspolitikarane møte med politikarar i landsdelane. Tysdag 19. september skal statssekretærutvalet for regionalpolitikk møte vestlandspolitikarar for å få deira syn på framtida for landsdelen.
Pressemelding
Nr.: 44/2000
Dato: 15.09.2000
Invitasjon til media:
Distriktspolitikken på Vestlandet skal drøftast
Til våren legg Regjeringa fram ei stortingsmelding om distrikts- og regionalpolitikken. Som ein del av arbeidet med meldinga har regjeringspolitikarane møte med politikarar i landsdelane. Tysdag 19. september skal statssekretærutvalet for regionalpolitikk møte vestlandspolitikarar for å få deira syn på framtida for landsdelen.
Til landsdelsmøtet for Vestlandet kjem deltakarar frå Møre og Romsdal, Sogn og Fjordane, Hordaland og Rogaland. Frå Kommunal- og regionaldepartementet møter statssekretær Audun Tron.
Møtet for Vestlandet er lagt til Scandic Hotell, Kokstad, tysdag 19. september frå kl. 09.30 til kl. 14.30.
- Grunnlaget for meiningsutvekslinga på møtet er den landsdelsstudien som Kommunal- og regionaldepartementet har teke initiativet til i arbeidet vårt med stortingsmeldinga, seier statssekretær Tron. - Ei slik utgreiing skal peike på alternative utviklingslinjer for landsdelen dei neste 20 åra.
- Landsdelsmøta er opne for media fordi departementet ser det som verdfullt å stimulere til mest mogleg debatt i media. I tillegg ønskjer Kommunal- og regionaldepartementet ein open og brei diskusjon med bidrag frå alle interesserte.