Kommunane slepp å støtte vassverk
Historisk arkiv
Publisert under: Regjeringen Stoltenberg I
Utgjevar: Kommunal- og regionaldepartementet
Pressemelding | Dato: 25.08.2000 | Sist oppdatert: 21.10.2006
Kommunane treng ikkje lenger yte tilskot for at vassverka skal få statleg stønad.
Pressemelding
Nr.: 70/2000
Dato: 25.08.2000
Kommunane slepp å støtte vassverk
Kommunane treng ikkje lenger yte tilskot for at vassverka skal få statleg stønad.
Til no har det vore krav om at kommunane skal stå for 10 prosent av finansieringa for at staten skal støtte utbygging av private vassverk. Slik er det ikkje no lenger. Kommunal- og regionaldepartementet har oppheva kravet om kommunal medfinansiering. Det vil seie at både nybygging og utbygging kan skje utan kommunal støtte.
- Bakgrunnen for endringa er at vi ønskjer lik behandling av kommunale og private vassverk, fortel kommunal- og regionalminister Sylvia Brustad. – Endringa gjer at vi kan spare kommunane for offentlege utgifter til private vassverk. Den kommunale eigendelen har no eigentleg vore finansiert over dei statlege tilskotsordningane.
Kommunal- og regionalministeren legg òg vekt på at den kommunale behandlinga av privat vassverkutbygging no blir forenkla, i og med at spørsmålet om kommunal medfinansiering fell bort. - Det vil seie mindre detaljstyring av det lokale nivået, og er eit nytt lite døme på det offentlege forenklingsarbeidet som Regjeringa har sett i gang, seier Brustad.