Med statssekretær Steinar Pedersen i spissen, er statssekretærutvalet for utarbeiding av Stortingsmelding om nasjonale minoritetar, invitert til møte og synfaring i Nordreisa kommune.

- Eg er glad for initiativet frå ordførar Torbjørn Evanger i Nordreisa, seier Steinar Pedersen. - Dette vil gi oss høve til å sjå korleis ein kommune tek i bruk dei ressursar som ligg i kulturmøtet til beste for utviklinga av lokalsamfunnet.

Nordreisa kommune startar måndag første byggjetrinn på Regionens Hus, der Kommunal- og regionaldepartementet har løyvd 4 millionar kroner og dermed sikra fullfinansiering av bygget.