Sørreisa kommune får inntil 9,8 millionar kroner frå Kommunal- og regionaldepartementet til vassverksutbygging.

Det er arbeidet i 2001 som ligg til grunn for tilskotet. Dette arbeidet er kostnadsrekna til 24,5 millionar kroner. I tillegg planlegg kommunen utbetringsarbeid i 2002 og 2003 for om lag 18 millionar kroner. Totalt skal det gi nok reint vatn til om lag 1 500 personar og næringsmiddelbedrifter.

- Reint vatn er viktig for både næringsliv og busetjing, seier statssekretær Sverre Bugge i Kommunal- og regionaldepartementet. - Derfor er det positivt at Sørreisa kommune tek sikte på nødvendige opprusting, og prioriterer det i ein stram budsjettsituasjon.