Andøy kommune får inntil 2,5 millionar kroner i tilskot til utbetringstiltak ved dei kommunale vassverka Andenes, Nordmela og Dverberg.

Dei kommunale vassverka forsyner om lag 4 600 personar og har planlagt utbetringstiltak som er kostnadsrekna til 27,6 millionar kroner. Arbeid for om lag 11 millionar kroner ligg til grunn for denne søknaden, og omfattar første byggjesteg.

I tillegg til å betre vassforsyninga til innbyggjarane, har vassverka ei rekkje fiskeri- og reiselivsbedrifter innanfor forsyningsområdet.

- Reint vatn er viktig både for næringsliv og busetjing, seier statssekretær Sverre Bugge i Kommunal- og regionaldepartementet. – Derfor er det positivt at Andøy kommune tek sikte på nødvendige opprustingstiltak, og prioriterer det i ein stram budsjettsituasjon.