Rana kommune får inntil fem millionar kroner frå Kommunal- og regionaldepartementet til å utvikle Mobekkleira som nytt sentrumsområde på Mo.

Tiltaket er kostnadsrekna til om lag 19,3 millionar kroner, og omfattar mellom anna fotgjengarundergang mellom Jernbanegata i dagens sentrum og Mobekkleira.

– Tilgang til service og attraktivt sentrumsmiljø er viktig for lokalisering av næringsverksemd og val av bustad. Derfor er det viktig å oppgradere sentra til å vere gode servicesenter for kommunen, seier statssekretær Sverre Bugge i Kommunal- og regionaldepartementet.

Mobekkleira ligg sentralt i forhold til dagens bysentrum, og med dei nye tiltaka blir det lett og trygt å ferdast mellom det gamle bysentret og det nye området for sentrumsutvikling.