Jijnjesh edtjieh nuepiem åadtjodh saemien lieredh
Historisk arkiv
Publisert under: Regjeringen Stoltenberg I
Utgiver: Kommunal- og regionaldepartementet
Pressemelding på sør-samisk
Pressemelding | Dato: 17.08.2001 | Sist oppdatert: 23.10.2006
Pressemelding
Nr.: 114/2001
Beaivi: 17.08.2001
Stortingsmelding nr. 55 (2000-2001) Om samepolitikken
Jijnjesh edtjieh nuepiem åadtjodh saemien lieredh
Dejmatjistie goerehtallemistie vienhtieh 25 000 almetjh Nøørjesne leah, mah maehtieh saemiestidh jih/jallh saemien guarkoeh. Læjhkan 10 000 daejstie almejtijstie eah maehtieh saemien lohkedh jallh tjaeledh. Daennie stoerredigkienbievnesisnie saemiepolitihken bijre, reerenasse bæjhkoehte sæjhta meatan årrodh råajvarimmie fremmedh juktie jijnjebh dejstie mah saemiestieh nuepiem åadtjoeh saemien lieredh lohkedh jih tjaeledh.
- Dle aaj vihkeles dah mah eah saemien maehtieh, nuepiem åadtjoeh saemiengielem aalkoste lieredh, tjielti- jih dajviministere Sylvie Brustad jeahta. Soptseste edtja daajroe-råajvarimmine saemielaaken gielenjoelkedassi bijre aelkedh jih dah tjielth jih fylhkentjielth edtjieh beetneh-vierhtieh guektiengiele (saemien jih daaroe) barkoen åvteste åadtjodh. Aaj sæjhta viehkine årrodh juktie øøhpehtimmievierhtieh øøvtede dovne åarjelsaemien, luvlie/skåalte jih lulesaemien gieline.
Ij leah ennje dejtie dåeriesmoeride saemien væhtaj gujmie daatesne guarkeme sjiehtesjidh. Jis saemiengiele jih dan øøvtiedimmie daaletje teknologien ektievuekesne edtja jieledh, lea joekoen vihkeles dejtie dåeries moeride guarka jih dejtie buektehte staeriedidh.
Akte barkoe-tjierte gellieh departemeentijste leah daejnie dåeries moerine barkeme edtjieh guarkedh guktie staeriedidh. Stoerredigkiebievnesisnie reerenasse bæjhkohte sæjhta barkedh juktie gellebh staaten eetatijste programmh-vaarojde sjiehtesjieh, mah maehtieh saemien væhtide guarkedh. Reerenassen sjisnj-viermie bielide, ODIN edtja sjeihtesjidh, dejnie maehtedh saemien gielem lohkedh. Daejtie gyhtjelassi bijre vaajtele Saemiedigkien ektine barkedh. Jieleme- jih åestemedepartemeente lea aadtjen saemiedigkien åvtehkinie dah dåeries moeri bijre raeriestamme.