Meir pengar til kommunesektoren
Historisk arkiv
Publisert under: Regjeringen Stoltenberg I
Utgjevar: Kommunal- og regionaldepartementet
Pressemelding | Dato: 11.05.2001 | Sist oppdatert: 23.10.2006
Regjeringa reknar no med at realveksten i dei frie inntektene for kommunesektoren - summen av skatt og rammetilskot - blir 1,8 milliard kroner i 2001. Det er 200 millionar kroner meir enn det ein rekna med i statsbudsjettet i fjor haust.
Pressemelding
Nr.: 65/2001
Dato: 11.05.2001
Revidert nasjonalbudsjett 2001:
Meir pengar til kommunesektoren
Regjeringa reknar no med at realveksten i dei frie inntektene for kommunesektoren - summen av skatt og rammetilskot - blir 1,8 milliard kroner i 2001. Det er 200 millionar kroner meir enn det ein rekna med i statsbudsjettet i fjor haust.
Skatteveksten blir 1 milliard kroner meir enn det ein rekna med i statsbudsjettet. Men kommunesektoren får òg auka kostnader på 800 millionar kroner på grunn av høgare lønnsvekst og auka prisar på varer og investeringar.
Kompensasjon for auka pensjonskostnader
Kommunesektoren blir kompensert med i alt 1,7 milliard kroner for auka pensjonskostnader i 2001.
1,25 milliard kroner gjeld avsetningar frå kommunesektoren til barne- og attlevandepensjon. Det er i tråd med budsjettavtalen mellom Arbeidarpartiet og sentrumspartia.
Lønnsoppgjeret for lærarane i 2000 gav kommunesektoren meirutgifter på grunn av større premiesats til Statens Pensjonskasse (SPK). Regjeringa foreslår å kompensere meirutgiftene for kommunesektoren med ei tilleggsløyving på 455 millionar kroner, fordelt med 340 millionar kroner til kommunane og 115 millionar kroner til fylkeskommunane.
Vedlegg: Fordeling av tilleggsbevilgning – Barne- og etterlattepensjon
Begge vedleggene er lagret i Excel-format.