Karlsøy kommune får inntil to millionar kroner frå Kommunal- og regionaldepartementet til opprusting av kommunesenteret Hansnes.

Karlsøy kommune planlegg å heve standarden på kommunesenteret i samband med bygging av nytt kommunehus og ny sjukeheim. Tiltaket er kostnadsrekna til
7,4 millionar kroner.

- Tilgang til offentleg og privat service og attraktivt sentrumsmiljø er viktig for lokalisering av næringsverksemd og val av bustad. Derfor er det viktig å oppgradere sentra til å vere gode servicesenter for kommunen, seier statssekretær Sverre Bugge i Kommunal- og regionaldepartementet.