Kyrkje-, utdannings- og forskingsdepartementet har fredag tilsett Anne Stenhammer som ny utdanningsdirektør i Nordland. Ho er tilsett på åremål for ein periode på 6 år. Anne Stenhammer følgjer etter Jan Solstad som valde å halde fram som forskar etter endt permisjon.

Anne Stenhammer er 49 år. Ho gjer no teneste for Norsk Folkehjelp som Program Manager i Kosovo. Stenhammer har utdanning på cand. mag.-nivå med m.a. faga spesialpedagogikk, økologi og 2-årig lærerutdanning. Ho har variert teneste i skoleverket m.a. som rektor ved Saltdal vidaregåande skole. Ho har vore ordførar i Fauske kommune i åtte år.

KUF- Fakta:

Statens utdanningskontor finst i alle fylke (eitt felles for Oslo og Akershus). Utdanningskontora skal være bindeledd mellom departementet og utdanningssektoren i kommunane og fylkeskommunen .