Berith Bergersen statssekretær i KUF

Konsulent Berith Bergersen frå Grålum i Østfold er i statsråd fredag utnemnt til statssekretær i Kyrkje-, utdannings- og forskingsdepartementet. Ho er i dag konsulent ved AOF i Sarpsborg.

Bergersen (48) har utdanning frå ingeniørhøgskole innan fagområda elektronikk og elkraftteknikk, dessutan praktisk-pedagogisk utdanning. Ho har tidlegare m.a. arbeidd som utdanningssekretær i LO, vore nestleiar i Skolenes landsforbund (SL) og undervisningsinspektør i vidaregåande skole.

Ho var ansvarleg for planlegginga og innføringa av Reform 94 i SL, medlem av Opplæringsrådet for elektro- og elektronikkfag i 4 år, medlem av Buer-utvalet (ny kompetanse), Thorkildsen-utvalet (utdanningspermisjon) og Berg-utvalet (om fagskoleutdanningar). Berith Bergersen har også vore medlem av interimstyret for "Norgesuniversitetet", som greier ut ein møteplass mellom høgre utdanningar og partane i arbeidslivet.