Kyrkje,- utdannings- og forskingsdepartementet har tilsett Torill Broch Seeberg som ny utdanningsdirektør ved Statens utdanningskontor i Buskerud. Ho følgjer etter Tove Ness i stillinga.

Torill Broch Seeberg (55) er utdanna bioingeniør og har i tillegg pedagogisk seminar, offentleg administrasjon og u-land grunnfag. Seeberg er i dag rådgjevar ved Tine Kompetansesenter. Ho har brei leiarrøynsle, m.a. som personalsjef i Wilhelmsen Lines og direktør ved avdelinga for organisasjon/samfunnskontakt under OL på Lillehammer (LOOC). Ho har og hatt leiarstillingar ved Fylkessjukehuset i Haugesund, Kommunenes sentralforbund og Sentralsjukehuset i Østfold.