Kyrkje,- utdannings- og forskingsdepartementet har tilsett Torill Eskeland Hanto som ny utdanningsdirektør ved Statens utdanningskontor i Telemark. Ho følgjer etter Jostein Osnes som i haust tok til i stillinga som direktør ved det nyoppretta Læringssenteret i Oslo.

Torill Eskeland Hanto (53) har pedagogisk embetseksamen. Ho har undervisningsrøynsle frå ulike skolar og har hatt fag-administrative stillingar i skolesektoren. Frå 1995 har ho vore skole- og barnehagesjef i Nome kommune. Dei siste 6 månadene har ho vikariert som nestleiar ved Statens utdanningskontor i Telemark.