Wegard Harsvik politisk rådgivar i KUF

Wegard Harsvik er tilsett som ny politisk rådgivar i Kyrkje-, utdannings- og forskingsdepartementet. Harsvik kjem frå stillinga som informasjonssekretær i Kommuneforbundet.

Harsvik (32) er utdanna cand. mag. med grunnfag i sosialøkonomi og sosiologi og mellomfag i historie.

Wegard Harsvik har tidlegare vore redaktør av AUF-avisa "Praksis" og redaktør av avisa "Sosialdemokraten". Han har hatt ei rekkje verv, særleg innan arbeidarrørsla og Nei til EU. M.a. har han vore medlem av styret i Nei til EU, medlem av styret og leiar av politisk avdeling i Sosialdemokrater mot EU og rådgjevar i EU/EØS-spørsmål ved Norges Naturvernforbund.

Harsvik var vararepresentant til Stortinget for Arbeidarpartiet i perioden 1989-1993.