Nina Tangnæs Grønvold frå Oslo er i statsråd fredag utnemnt til ny statssekretær i Kyrkje-, utdannings- og forskingsdepartementet. Ho etterfølgjer Berith Bergersen, som går tilbake til jobben som konsulent for AOF i Sarpsborg.

Nina Tangnæs Grønvold (31) kjem opphavleg frå Dokka i Oppland. Ho er i dag doktorgradsstipendiat ved Institutt for medisinske atferdsfag ved Universitetet i Oslo, og har vore turnuslege i kommunehelsetenesta i Os i Østerdalen og på Tynset sjukehus. Ho har medisinsk embetseksamen frå 1997, mastergradsstudium i helseadministrasjon og statsvitskap.

Nina Tangnæs Grønvold har hatt ei rekkje politiske verv innan arbeidarrørsla. Ho har m.a. vore leiar av St. Hanshaugen-Ullevål Arbeidarparti, medlem i Representantskapet i Oslo Arbeidarparti, leiar i Sosialdemokratisk Studentforbund (SSF) og medlem i AUFs programkomite 2000.