Verneplan for barlind og kristtorn
Historisk arkiv
Publisert under: Regjeringen Stoltenberg I
Utgjevar: Miljøverndepartementet
Pressemelding | Dato: 13.10.2000 | Sist oppdatert: 21.10.2006
Regjeringa har i statsråd i dag vedteke verneplan for barlind og kristtorn på Vestlandet. Nokre av dei største og best utvikla barlind- og kristtornførekomstane i verda er å finne her. (13.10.00)
Pressemelding
Dato: 13.10.00
Verneplan vedteken for barlind og kristtorn på Vestlandet
Regjeringa har i statsråd i dag vedteke verneplan for barlind og kristtorn på Vestlandet. Nokre av dei største og best utvikla barlind- og kristtornførekomstane i verda er å finne på Vestlandet. Dette medfører eit internasjonalt verneansvar for Noreg.
I alt 21 område blir freda som naturreservat og fire blir verna som landskapsvernområde, med plantelivsfreding av barlind/kristtorn. Det samla arealet er omlag 6,6 km2, av dette er 5,1 km2 naturreservat og 1,5 km2 landskapsvernområde. Saman med verneplan for barlind og kristtorn i Aust-Noreg, som vart vedteken i 1996, utgjer dette verneplanen for barlind og kristtorn i Noreg.
Barlind og kristtorn er varmekrevjande treslag som stort sett finst i kyststroka sør for Romsdal. Artane har nordgrensa si i Noreg. På Vestlandet, især i Sunnhordland, finst nokre av dei største og best utvikla barlind- og kristtornførekomstane i verda. Noreg har difor eit internasjonalt ansvar for å ta vare på desse områda. I tillegg til barlind og kristtorn inneheld ofte områda også annan verneverdig vegetasjon med varmekrevjande og sjeldne artar.
Med denne verneplanen ønskjer regjeringa å sikre førekomstane i ein heilskapleg samanheng med den vegetasjonen og faunaen som naturleg høyrer heime her. Nokre av lokalitetane, særleg kristtornførekomstane, er kulturpåverka og kan vere avhengige av skjøtsel for å oppretthaldast.
Følgjande 25 område er omfatta av verneplanen:
Rogaland:
Linborgvatnet naturreservat, Sokndal kommune, Rogaland fylke
Nesvåg naturreservat, Sokndal kommune, Rogaland fylke
Nesheim naturreservat, Finnøy kommune, Rogaland fylke
Kåda naturreservat, Hjelmeland kommune, Rogaland fylke
Bjørklund naturreservat, Suldal kommune, Rogaland fylke
Hordaland:
Romsa naturreservat, Ølen kommune, Hordaland fylke
Langebudalen naturreservat, Etne kommune, Hordaland fylke
Sæbøskòra naturreservat, Kvinnherad kommune, Hordaland fylke
Tveitabotn naturreservat, Kvinnherad kommune, Hordaland fylke
Ølveshovda landskapsvernområde, Kvinnherad kommune, Hordaland fylke
Gjuvslandslia landskapsvernområde, Kvinnherad kommune, Hordaland fylke
Brandvik landskapsvernområde, Stord kommune, Hordaland fylke
Ånuglo naturreservat, Tysnes kommune, Hordaland fylke
Børevika naturreservat, Tysnes kommune, Hordaland fylke
Klyvelia naturreservat, Os kommune, Hordaland fylke
Barlindflaten naturreservat, Kvam kommune, Hordaland fylke
Flotaneset naturreservat, Modalen kommune, Hordaland fylke
Hestabotn naturreservat, Modalen kommune, Hordaland fylke
Møre og Romsdal:
Raudøya naturreservat, Ørsta kommune, Møre og Romsdal fylke
Raudøya landskapsvernområde, Ørsta kommune, Møre og Romsdal fylke
Barlindneset naturreservat, Ørsta kommune, Møre og Romsdal fylke
Amdam naturreservat, Skodje kommune, Møre og Romsdal fylke
Skinstadreset naturreservat, Skodje kommune, Møre og Romsdal fylke
Straumsdalen naturreservat, Skodje kommune, Møre og Romsdal fylke
Strand naturreservat, Averøy kommune, Møre og Romsdal fylke
Kontaktperson: Asbjørn Solås, tlf. 22 24 58 65