Elektroniske medier for Århuskonvensjonen

Rundt 70 representantar frå europeiske styresmakter og NGOar kjem til Arendal 8.-9. mars for å lære om presentasjon av miljøinformasjon på Internett. Workshopen er ei oppfølging av  Århuskonvensjonen om retten til miljøinformasjon. Program og deltakarliste (05.03.01)

Århuskonvensjonen er ein viktig pådrivar til offentleggjering av fakta og data om miljøet. Workshopen i Arendal har som mål å samle gode døme på bruk av elektroniske media til formidling av slik informasjon. Det er stor deltaking frå Aust-Europa til workshopen, og kunnskapsutveksling mellom aust og vest står sentralt på programmet fredag 9. mars.

Blant innleiarane i Arendal er Professor Jon Bing, Universitetet i Oslo, Martha Prerovska, Gazette, Oslo, Johannes Mayer, Austrian Federal Environment Agency, Wien, Jerome Simpson, Regional Environmental Center for Central and Eastern Europe, Budapest og Politisk Rådgivar i Miljøverndepartementet, Jo Stein Moen.

Miljøverndepartementet er vertskap for workshopen i Arendal, med UNEP/GRID-Arendal som teknisk koordinator.

Kontaktperson i Miljøverndepartementet:Ingeborg Grimsmo, tlf: 22 24 57 62, mobil: 90 12 54 71

Kontaktperson i GRID-Arendal:Karen Folgen, tlf: 370 35 710