SND kan inkludere skip i NOR-flåta i verkefeltet sitt. Det er eitt av forslaga som kjem fram i  stortingsmeldingaom SND som regjeringa la fram fredag.

"Kystflåta blir driven av mange små reiarlag som best kan samanliknast med mindre verksemder på land. Derfor er det naturleg at næringa kan nytte verkemidla i SND-systemet", seier nærings- og handelsminister Grete Knudsen. Reiarlagsverksemd er unnateke frå SND sitt arbeidsfelt, men dette kan no bli forandra for kystflåta sin del.

Forslaget må bli vurdert nærare med omsyn til kva for ordningar kystflåta skal få tilgang til.

Det går mange gamle skip i nærskipsfart, og det trengst utskifting av delar av flåta. Statsråd Grete Knudsen strekar under at innovasjon og kompetanse er viktige kriterier for å få SND med på laget, og at dette også vil vere tilfellet for kystflåta.