Olje- og energidepartementet har i dag vedteke å tildele Mikkelfeltet leveranseansvar under inngåtte gassalskontraktar (gassallokering). Mikkelfeltet er dermed sikra avsetnad for gassressursane. Mikkel medverkar med dette til å oppfylle Noreg sine langsiktige gassalsforpliktingar ovanfor kjøparar på kontinentet.

Vedtak om gassallokering til Mikkel er fatta etter at departementet har motteke tilrådingar frå Forsyningsutvalget (FU) og Oljedirektoratet. Mikkel, som ligg søraust for Åsgardfeltet, skal byrje å levera gass under inngåtte gassalskontraktar frå 2003 og er sikra avsetnad for gassproduksjonen til og med 2010.