I det året eg har vore olje- og energiminister har me jobba aktivt og bevisst for å auka aktivitetsnivået og leggja tilhøva til rette for at Noreg også i framtida skal vera ein stor og livskraftig energiprodusent.
Eg er særleg glad for å sjå at avgjerder som me politikarar har teke, har ført til at optimismen no er tilbake i olje- og gassnæringa, og at industrien igjen satsar offensivt på framtida. Denne situasjonen er positiv for næringa sjølv, men samstundes fører det til mange ringverknader, for annan industri og for samfunnet generelt.

Dette seier olje- og energiminister Olav Akselsen i samband med at regjeringa den 17. mars har eittårsjubileum. – Eg ser og fram til ein ny organisering av arbeidet med å leggja om energiproduksjonen og å redusera energiforbruket.

Olje- og energidepartementet (OED) har ansvaret for den norske olje- og gassverksemda og for saker knytta til energi- og vassdragsverksemda. Innan begge områda har aktiviteten vore høg.

Olje og gass:
Det er ei imponerande liste over oljerelaterte prosjekt som er godkjende dette året.

• Delprivatiseringa av Statoil og sal av delar av SDØE er utan tvil den største og mest omfattande saka. Her vert det opna for nye eigarar i Statoil. Regjeringa ønskjer samstundes å restrukturera delar av SDØE (Statens direkte økonomiske engasjement). Som ein følgje av denne omleggjinga er det også foreslått å oppretta to nye selskap, eit selskap som skal forvalta SDØE og eit selskap som skal ha ansvaret for transport av gass.
• OED har lagt fram ei stortingsmelding om olje- og gassverksemda. I denne meldinga vert det lagt til rette for effektivisering av aktiviteten på sokkelen.
• Våren 2000 fekk selskapa nye oppgåver i samband med tildelingane i den
• 16. konsesjonsrunden.
• Ei rekkje utbyggjingssaker er godkjende: Grane, Vallhall vassinjeksjon, Ringhorne, Tambar, Heidrun Nord, Hod Gassløft, Ula-Gyda samanknytingsrøyrleidning, Kvitebjørn og Glitne.

Energi og vassdrag:

• Endringar i energilova. Regjeringa ønskjer å oppretta ein ny energiinstitusjon som skal arbeida med å leggja om energiproduksjonen og å redusera energiforbruket. I tillegg kjem ein del andre endringar i energilova.
• Departementet foreslår å tilføra Statkraft 6 milliardar i eigenkapital og å utvida låne- og garantiramma for selskapet.
• Ny konsesjon og framleis regulering av Numedalslågen.
• Regjeringa har tilrådd at ein ikkje gjennomfører dei tre vasskraftprosjekta i Svartisen/Saltfjellområdet.
• Ja til opprusting/utviding av Tyin-vassdraget. Dette vil gi cirka 250 GWh ny kraft.
• Opplegget for industrikontraktane er justerte.
• Omlegging av elhandel med Danmark.
• Statnett har inngått marknadsbaserte kontraktar for å hjelpa på effektsituasjonen.

I tillegg arbeider Olje- og energidepartementet med følgjande store saker:

• Gassmarknadsdirektivet
• Nordsjøtildelingane 2000
• Fram Vest
• Vale
• P2 brønnramme, Troll Vest
• Vesterled (gassrøyr)
• Strategi for bruk av naturgass i Noreg.