Nei til kraftutbygging i Homlavassdraget

Dei to kraftverka Storfossen og Foldsjøen var planlagde med ein samla årleg produksjon på om lag 24 GWh. Foldsjøen var tenkt nytta som reguleringsmagasin for dei to kraftverka.

-Etter ei samla vurdering av saka, har departementet avslått søknaden. Eg er nøgd med at me i denne saka har fatta ei avgjerd som tek omsyn til natur, miljø og friluftsliv i Homlavassdraget, seier olje- og energiminister Olav Akselsen. -Vurderinga vår er at desse omsyna må tilleggast avgjerande vekt i forhold til fordelane ved ei regulering og utbygging.