Måndag 19. februar vil olje- og energiminister Olav Akselsen vera til stades på avslutninga av "Enøk til tusen" på Quality Hotel og Badeland Sarpsborg.

Statsråden sitt innlegg startar kl 12.30 og handlar om omorganisering av energisektoren i Noreg. Etter foredraget og prisutdelinga kan pressa stilla spørsmål.

Statsråden vil også vitja Borregaard. Her vil han få nærare orientering om varmegjenvinningsprosjektet ved Globe Hafslund Metall og Borregaard sine planar for vidare varmeforsyning av fabrikkane i Sarpsborg.

Om kvelden vil statsråd Akselsen delta på møte i Østfold Arbeidarparti.