Regjeringa har i statsråd i dag gjort framlegg om at finansieringsselskapet Motorveien Stavanger- Sandnes AS skal få høve til å forskotterte inntil 43 millionar kroner til bygging av Solasplittkrysset på E39 i Rogaland.

Arbeidet skal ta til i år, og anlegget vil bli opna for trafikk i 2001. Det er lagt til grunn at staten skal betale tilbake forskotteringa i åra 2003-2004.

Prosjektet riksveg 510 Solasplitten vil i framtida bli hovudvegsambandet mellom E39 i Stavanger og Stavanger lufthamn, Sola. Eit toplankryss (Solaspittkrysset) er planlagt bygd som første etappe av dette prosjektet, for å gi tilkomst til Forus industriområde (nord). Krysset inngår i stamvegnettet og skal etter planen finansierast med statlege midlar. Utbygging av krysset omfattar ramper, overgangsbru og rundkjøyringar, der rampene skal knyttast til veglina for ny riksveg 510.