Regjeringa går inn for at bompengeselskapet Tungenes Ferjeterminal AS skal få høve til å forskottere 13,3 millionar kroner i år til den første delen av arbeidet med å brannsikre Rennfasttunnelane på E39 i Rogaland.

Staten skal betale beløpet tilbake til bompengeselskapet ved ein tilsvarande reduksjon i den gjelda på 31 millionar kroner som selskapet har til staten. Arbeidet skal ta til i haust, og vil i første omgang dekkje 16 000 kvadratmeter av eit areal på i alt 29 500 kvadratmeter som skal omfattast av ein tiltaksplan for brannsikring av område der det tidlegare er nytta såkalla PE-skum til vatn- og frostsikring, går det fram av eit forslag som blei lagt fram i statsråd i dag.