Sundag 11. mars:
Kl. 16.00 møtest regjeringa for å ta fatt på arbeidet med 2002-budsjettet, på Halvorsbøle hotell og konferansesenter ved Randsfjorden. Pressekontakt er statssekretær Jan-Erik Larsen, telefon 99 54 19 67 eller 61 31 08 53. Det er høve til å fotografere idet regjeringa samlast frå kl. 15.30.

Mandag 12. mars:
Kl. 12.30 held statsministeren og finansministeren pressekonferanse under regjeringa sin budsjettkonferanse, på Halvorsbøle hotell og konferansesenter ved Randsfjorden. Det vert servert lunsj for frammøtte pressefolk frå kl. 11.30. Budsjettkonferansen held fram til tysdag 13. mars kl. 12.30.

Onsdag 14. mars:
Kl. 14.00 tek statsministeren imot leiaren i All Burma Federation of Student Unions, Min Ko Naing, som er tildelt den norske Studentenes fredspris for 2001. Det er høve til å fotografere.

Fredag 16. mars:
Kl. 09.15 gjestar statsministeren Svarttjern skule på Romsås i Oslo, for å møte elevar og lærarar. Etter eige møte med 4. klassane (der det berre er plass til nokre pressefolk), møter statsministeren alle elevane i gymnastikksalen. Til slutt møter statsministeren personalet på skulen, utan pressefolk til stades.

Laurdag 17. mars:
Kl. 11.00 talar statsministeren på årskonferanse i Akershus Arbeidarparti, i Kongressenteret Folkets Hus i Oslo.
Kl. 14.00 markerar statsministeren regjeringa Stoltenberg sin eittårsdag med å dele ut roser på Egertorget i Oslo.

Måndag 19. mars:
Måndag 19. og tysdag 20. mars er den finske statsministeren, Paavo Lipponen, på offisiell gjesting i Noreg - i Stavanger og Oslo. Pressekontakt er statssekretær Jan-Erik Larsen, telefon 99 54 19 67.
Kl. 18.00 møter statsministeren statsminister Paavo Lipponen til politiske samtalar på Utstein kloster på Mosterøy ved Stavanger. Etter samtalen, om lag kl. 19.15, er dei to tilgjengelege for pressefolk same staden.
Kl. 19.30 er dei to statsministrane til stades under ein konsert i Utstein klosterkyrkje. Det er høve til å fotografere ved innleiinga.
Kl. 20.00 er statsministeren vert for ein middag for statsminister Lipponen, i refektoriet (matsalen) i Utstein kloster. Det er høve til å fotografere idet gjestene gjeng til bords.
Dei to statsministrane overnattar på Radisson SAS Hotel i Stavanger.

Tysdag 20. mars:
Kl. 08.00 vert statsministrane Stoltenberg og Lipponen tekne imot ved NATO sitt Joint Headquarters North i Jåttånuten mellom Stavanger og Sandnes, av generalløytnant Thorstein Skiaker. Det er høve til å fotografere idet gjestene kjem. Pressekontakt er oberstløytnant Brynjar Nymo, telefon 51 57 20 00.
Kl. 10.00, etter orientering og presentasjonar i NATO-hovudkvarteret, er statsministrane tilgjengelege for pressefolk same staden. Deretter reiser statsministrane til Oslo.
Kl. 13.30 er statsministeren mellom gjestene under kong Harald V sin lunsj for statsminister Lipponen, på Det kongelege slott.
Kl. 14.45 gjestar statsminister Lipponen Stortinget, før han om lag kl. 16.00 forlet Oslo for å reise attende til Helsingfors.