Måndag 22. januar:
Kl. 12.00 møter statsministeren dei fire universitetsrektorane, saman med statsråd Trond Giske, på Statsministerens kontor. Tema for møtet er Regjeringa sitt arbeid med den høgre utdanninga. Det er høve til å fotografere.

Onsdag 24. januar:
Statsministeren er på gjesting i Stockholm heile dagen.
Pressekontakt er statssekretær Jan-Erik Larsen, telefon 99 54 19 67.

Kl. 12.15 kjem statsministeren til statsministerbustaden Sagerska huset i Stockholm, for lunsjsamtale med statsminister Göran Persson.

Kl. 14.00 er dei to statsministrane tilgjengelege for pressefolk, i foajéen i Sagerska huset.

Kl. 14.25 møter statsministeren utanriksminister Anna Lindh, i Utanriksdepartementet i Stockholm.

Kl. 15.00 gjestar statsministeren Karolinska institutet, Karolinska sjukhuset og Smittskydds-institutet. Etter gjestinga der, om lag kl. 16.30, reiser statsministeren attende til Oslo.

Torsdag 25. januar:
Om kvelden kjem statsministeren til Davos, der han vil vere med på World Economic Forum sitt årlege møte fram til sundag middag 28. januar.
Pressekontakt er statssekretær Jonas Gahr Støre, telefon 99 54 19 62.

I Davos vil statsministeren vere med på arrangement både i Informal Group of World Leaders (IGWEL) og ellers. Mellom anna skal han halde innlegg og vere med i ein paneldebatt om "The Price and Supply of Oil", laurdag 27. januar kl. 17.05-18.15. Statsministeren vil óg ha tosidige samtalar med mellom andre presidenten i Verdsbanken – James Wolfensohn, generaldirektøren i Verdshandelsorganisasjonen – Mike Moore, og den sveitsiske presidenten - Moritz Leuenberger.