Sundag 25. mars:
Kl. 16.45 deltek statsministeren på eit motivasjonsseminar i regi av Pakistansk studentsamfunn i Oslo, i Chateau Neuf i Oslo. Seminaret er eit årleg arrangement som tek sikte på å motivere ungdom til å søkje høgre utdanning.

Måndag 26. mars:
Kl. 16.00 opnar statsministeren Likestillingssenteret sin likestillingskonferanse for kommunar og fylkeskommunar, på Radisson SAS Plaza Hotell i Oslo.

Tysdag 27. mars:
Kl. 10.00 svarar statsministeren på ein interpellasjon frå stortingsrepresentant Odd Roger Enoksen, i Stortinget.
Kl. 14.00 gjestar statsministeren Vevelstad ungdomsskule i Vevelstadvegen på Langhus i Ski. Der vil han sjå på samarbeidet som skulen har med organisasjonen "Dei kvite bussane", om å gje elevane kunnskap om nazismen si jødeutrydding under andre verdskrigen. Saman med statsministeren deltek den tidlegare konsentrasjonsleirfangen Kristian Ottosen.
Kl. 15.30 deltek statsministeren i eit kakelotteri som klasse 9E ved Vevelstad ungdomsskule har på Ski storsenter, til inntekt for skuleturane til Auschwitz.

Onsdag 28. mars:
Kl. 09.00 talar statsministeren på landsmøtet i Norges Nærings- og nytelsesmiddelarbeiderforbund, i Kongressenteret Folkets Hus i Oslo.
Kl. 12.30 tek statsministeren imot sluttrapporten frå Verdikommisjonen, på ein pressekonferanse på Statsministerens kontor.
Kl. 14.30 tek statsministeren imot fylkesmannen i Murmansk i Russland, på Statsministerens kontor. Det er høve til å fotografere.

Fredag 30. mars:
Kl. 13.00 leiar statsministeren eit møte i Regjeringa sitt kontaktutval for partane i arbeidslivet, på Statsministerens kontor. Det er høve til å fotografere ved innleiinga.

Laurdag 31. mars:
Kl. 13.00 talar statsministeren på Oppland Arbeidarparti sitt årsmøte, på Quality Fagernes Hotell på Fagernes.