Auka innsats til humanitære tiltak.

Regjeringa gjev i dag framlegg om å auke løyvingane til humanitær hjelp med til saman 98,2 mill. kroner. Forslaga blir sette fram for å støtte viktige humanitære tiltak.

I 2000 har det vore fleire store flaum- og tørkekatastrofar, m.a. flaum i det sørlege Afrika og tørke på Afrikas Horn og i Kenya. Samstundes er behova til dei naudlidande i Great Lakes- distriktet, Angola og fleire land i Asia framleis store.

På grunn av at utgifter til flyktningar i Noreg og innbetalingar til internasjonale finansinstitusjonar i år blir lågare enn rekna med er det frigjort midlar til auka humanitære tiltak.