Endring i luftfartsavtalen mellom Noreg og Hong Kong
Historisk arkiv
Publisert under: Regjeringen Stoltenberg I
Utgjevar: Utenriksdepartementet
Pressemelding | Dato: 05.05.2000 | Sist oppdatert: 21.10.2006
Pressemelding
Nr.: 44/2000
Dato: 5. mai 2000
Endring i luftfartsavtalen mellom Noreg og Hong Kong
Regjeringa har i statsråd i dag vedteke at Noreg og Hong Kong SAR skal inkludere ein artikkel i luftfartsavtalen som skal hindre dobbel skattlegging av selskap som driv lufttrafikk mellom flyplassar i Noreg og Hong Kong SAR.
Luftfartsavtalen mellom dei skandinaviske landa og Hong Kong vart forhandla fram mellom dei skandinaviske landa og Hong Kong i mars 1992. Den formelle underteikninga av luftfartsavtalen har trekt ut i tid blant anna fordi styresmaktene i Folkerepublikken Kina måtte godkjenne avtalen etter innlemminga av Hong Kong i Kina frå 1. juli 1997.
I tida etter at avtalen vart ferdigforhandla har partane blitt samde om at det i tillegg bør inkluderast ein artikkel for å hindre dobbel skattlegging.
Luftfartsavtaler med same tekst blei underteikna mellom dei andre skandinaviske landa og Hong Kong SAR den 14. mars d.å. Ein tek sikte på å underteikne avtala mellom Noreg og Hong Kong SAR i løpet av kort tid.