Målretting av tiltak mot det tidlegare Jugoslavia
Historisk arkiv
Publisert under: Regjeringen Stoltenberg I
Utgiver: Utenriksdepartementet
Pressemelding | Dato: 15.08.2000 | Sist oppdatert: 21.10.2006
Utanriksdepartementet har vedteke einskilde endringar i føresegna om særlege tiltak mot Den føderale republikken Jugoslavia (FRJ), for å gjere dei eksisterande økonomiske tiltak meir målretta.
Pressemelding
Nr.: 119/00
Dato: 15.08.00
Målretting av tiltak mot det tidlegare Jugoslavia
Utanriksdepartementet har vedteke einskilde endringar i føresegna om særlege tiltak mot Den føderale republikken Jugoslavia (FRJ), for å gjere dei eksisterande økonomiske tiltak meir målretta. Investeringsforbodet og påbodet om frys av middel som tilhøyrer selskap baserte i Serbia, eksisterer framleis, men endringa inneber at selskap som figurerer på ein såkalla kvitliste no er unnateke frå desse tiltaka. Denne lista kan utvidast med selskap som i søknaden har bevist at dei ikkje er tilknytt regimet.
Samstundes er den mellombelse hevinga av flyforbodet for sivil lufttrafikk mellom Noreg og FRJ, som blei vedteke i mars i år, forlenga fram til 31. mars 2001.
Elles blir det halde oppe eit internasjonalt press mot styresmaktene i landet med sikte på ei demokratisk og fredeleg utvikling i området. Endringane inneber at Noreg held fram med dei same tiltaka mot FRJ som EU.
Føresegna trer i kraft straks.