Det vart i statsråd i dag vedteke at Noreg skal inngå luftfartsavtale med New Zealand. Avtala handlar om rettane til å drive lufttrafikk mellom dei to landa. For norske verksemder utpeika til å drive slik trafikk gjev avtala rett til å trafikkere flyruter frå alle internasjonale sivile flyplassar i Noreg til reisemål i New Zealand.

Likelydande avtaler vil bli inngått kvar for seg mellom New Zealand og Danmark og Sverige.

Samtidig vart ei avtale om aksept av SAS-samarbeidet underteikna.