Noreg opphevar delar av dei særlege tiltaka mot det tidlegare Jugoslavia
Historisk arkiv
Publisert under: Regjeringen Stoltenberg I
Utgjevar: Utenriksdepartementet
Pressemelding | Dato: 09.10.2000 | Sist oppdatert: 21.10.2006
Pressemelding
Nr.: 153/00
Dato: 09.10.2000
Noreg opphevar delar av dei særlege tiltaka mot det tidlegare Jugoslavia
Noreg har i dag vedteke delvis oppheving og endring av føresegna om særlege tiltak mot Den føderale republikken Jugoslavia (FRJ). Avviklinga av tiltaka skjer på bakgrunn av hendingane i FRJ i den seinaste tida, der demokratiske val har ført til eit maktskifte som legg tilhøva til rette for ei fredeleg utvikling i området, seier utanriksminister Thorbjørn Jagland.
Endringa inneber at oljeembargoen og flyforbodet vert oppheva straks.
Påbodet om frysing av finansielle midlar og det generelle forbodet mot overføringar og investeringar vert vurdert.
Samtlege tiltak som er retta mot Milosevic og dei nære støttespelarane hans står framleis ved lag. Visumforbodet for einskilde namngjevne personar gjeld framleis.
Forbodet mot levering og sal av utstyr til nasjonal undertrykking eller terrorisme, vert òg ståande.
Den delen av føresegna som står att vert heile tida vurdert i lys av utviklinga.
For ordens skuld gjer ein merksam på at denne endringa ikkje har nokon verknad på dei føresegnene som er gjevne på bakgrunn av FN sine sanksjonar mot FRJ. Desse kan berre bli lempa av FN sitt Tryggingsråd.
Føresegna trer i kraft straks.