Rettar tilstått nye FN-organisasjonar
Historisk arkiv
Publisert under: Regjeringen Stoltenberg I
Utgiver: Utenriksdepartementet
Pressemelding | Dato: 28.07.2000 | Sist oppdatert: 21.10.2006
Regjeringa har i dag (28.07.00) vedteke at Noreg skal tilstå rettar etter FN-konvensjonen om privilegium og immunitet for FN sine særorganisasjonar av 21. november 1947 til ytterlegare fem av særorganisasjonane i FN.
Pressemelding
Nr.: 112/00
Dato: 28.07.00
RETTAR TILSTÅTT NYE FN-ORGANISASJONAR
Regjeringa har i dag (28.07.00) vedteke at Noreg skal tilstå rettar etter FN-konvensjonen om privilegium og immunitet for FN sine særorganisasjonar av 21. november 1947 til ytterlegare fem av særorganisasjonane i FN. Desse fem er:
- Det internasjonale finansieringsinstitutt (IFC),
- Det internasjonale utviklingsfondet (IDA),
- Verdsorganiasjonen for immateriell eigedomsrett (WIPO),
- Det internasjonale fondet for jordbruksutvikling (IFAD), og
Verdas industriutviklingsorganisasjon (UNIDO).
Noreg er med i desse særorganisasjonane, men har ikkje gjeve organisasjonane eller medarbeidarane deira privilegium og immunitet etter konvensjonen av 1947 før no. Desse fem særorganisasjonane er dei yngste av FN sine særorganisasjonar. Når regjeringa no har vedteke å gje desse særorganisasjonane og medarbeidarane deira privilegium og immunitet etter konvensjonen om immunitet og privilegium av 1947, inneber det ei likare handsaming av særorganisasjonane frå norsk side.
Utanriksdepartementet, 28. juli 2000