Utanriksminister Jagland deltar på EØS-rådsmøte i Brussel
Historisk arkiv
Publisert under: Regjeringen Stoltenberg I
Utgjevar: Utenriksdepartementet
Pressemelding | Dato: 23.05.2000 | Sist oppdatert: 21.10.2006
Pressemelding
Nr.: 59/2000
Dato: 23.05.00
Utanriksminister Jagland deltar på EØS-rådsmøte i Brussel
Utanriksminister Thorbjørn Jagland skal 23. mai delta på EØS-rådet sitt halvårlege møte i Brussel. Gjennomgang av EØS-samarbeidet, status for utvidingsprosessen i EU og konsekvensane for EØS samt oppfølging av Lisboa-toppmøtet er dei viktigaste sakene på dagsorden. Dessutan vil den nye EFTA/EØS-finansieringsordninga for støtte til sosial og økonomisk utjamning i EØS-området bli drøfta.
Utanriksminister Jagland skal og saman med den islandske og liechtensteinske utanriksminister møta dei 15 EU-landa til utanrikspolitisk dialog. Sentrale tema vil truleg vera situasjonen på Balkan, forholdet til Russland og Tsjetjenia samt utviklinga av den europeiske tryggleiks- og forsvarspolitikken.