Utanriksminister Thorbjørn Jagland skal onsdag 26. april halda det norske hovedinnlegget i FN under Tilsynskonferansen for ikkje-spreiingsavtalen om atomvåpen (NPT) i New York. Utanriksministeren skal og ha samtalar med representantar for ei rekke land for å fremja det norske kandidaturet til Tryggingsrådet i FN. Utanriksmininster Jagland skal og delta saman med Kongen og Dronninga under opninga av den store innvandrarutstillinga på Ellis Island.

Utanriksministeren skal 27.-28. april i samband med opninga av den nordiske vikingutstillinga på Smithsonian Museum 27.4., ha politiske samtalar med bl.a. den amerikanske utanriksminister Madeleine Albright, handelsminister Charlene Barshefsky og med representantar i Kongressen.

Hovedtema i samtalane vil bl.a. vera tryggingspolitiske spørsmål, herunder utviklinga av eit europeisk forsvarssamarbeid, forholdet til Russland, Tsjetjenia, samarbeid i Nordområda, situasjonen på Balkan samt fredsprosessen i Midt-Austen og andre fredsprosessar der Norge er involvert. I samtalen med handelsminister Barshefsky vil situasjonen i Verdas handelsorganisasjon (WTO)vera hovedtemaet.