Utanriksminister Jagland møter EU-kommissærane Patten og Liikanen samt NATOs generalsekretær i Brussel 28. mars

Utanriksminister Thorbjørn Jagland skal tysdag 28. mars ha samtalar med EU-kommissærane Erkki Liikanen og Chris Patten samt NATOs generalsekretær Lord Robertson i Brussel.

Utanriksministeren møter EU-kommissærane i eigenskap av å vera formann i EFTA/EØS dette halvåret. Utanriksministeren vil bl.a. drøfta ei styrking av EØS-samarbeidet, resultata frå EU-toppmøtet i Lisboa 23.-24. mars samt orientera om regjeringas Europa-politikk. På dagsorden står og det europeiske tryggings- og forsvarspolitiske samarbeidet i Europa(ESDP) og andre internasjonale spørsmål, som situasjonen i Russland, Balkan og Midt-Austen.

I møtet med NATOs generalsekretær vil bl.a. det tryggings- og forsvarspolitiske samarbeidet, samarbeidet mellom NATO og Russland og situasjonen i Kosovo stå sentralt.

29. mars skal utanriksminister Jagland delta på gjevarlandsmøte om Stabilitetspakta for Balkan i Brussel.