P R E S S E M E L D I N G
Administrasjonsdepartementet

Nr. 20/95

Dato: 13.07.95

Åge Danielsen ny direktør i Statskonsult

Åge Danielsen blei i statsråd 13. juli utnemnd til ny direktør i Statskonsult etter Tom Veierød, som er blitt direktør i Kommunenes Sentralforbund. Danielsen er 53 år og har vore departementsråd i Forsvarsdepartementet sidan 1989.

Åge Danielsen er fødd i Narvik og utdanna cand.oecon. i 1969 ved Universitetet i Oslo. Han har vore undervisningsleiar ved distriktshøgskolen i Bodø, engasjert byråsjef i Finansdepartementet, direktør ved distriktshøgskolen i Bodø og fylkesrådmann i Nordland fylkeskommune før han blei leiar for embetsverket i Forsvarsdepartementet.

Direktoratet for forvaltningsutvikling, Statskonsult, er statens fagorgan for fornying og effektivisering av forvaltninga. Direktoratet ligg under Administrasjonsdepartementet og har 120 tilsette. Stillinga som direktør er ei åremålsstilling på seks år med høve til fornying for éin periode.

---

Lagt inn 31 juli 1995 av Statens forvaltningstjeneste, ODIN-redaksjonen