Barne- og familieminister Grete Berget oppmodar: -Sei di meining om utkastet til ny barnelov
Historisk arkiv
Publisert under: Regjeringen Brundtland III
Utgiver: Barne- og familiedepartementet
Pressemelding | Dato: 25.10.1995 | Sist oppdatert: 21.10.2006
P R E S S E M E L D I N G
Barne- og familiedepartementet
25. oktober 1995
Barne- og familieminister Grete Berget oppmodar:
-Sei di meining om utkastet til ny barnelov
Barne- og familieminister Grete Berget ber alle
interesserte seie meininga si om utkastet til ny barnelov.
-Revideringa av barnelova angår alle, difor ønskjer vi å få
tilbakemelding frå så mange som mogleg, seier Grete
Berget.
Statsråd Grete Berget går til det uvanlege
skrittet å invitere alle interesserte til å ta del i høyringa til
ny barnelov. Statsråden meiner berre ei breiast mogleg høyring vil
gi oss den beste lova.
- Forholdet mellom barn og foreldre angår alle og er ein del
av dagleglivet deira. Fleire av spørsmåla i revideringa av
barnelova er så viktige at vi treng mange gode innspel frå
brukarane, for det er nemleg dei den gjeld. Vi vil difor freiste å
få med flest mogleg i denne høyringa, seier Grete Berget.
Denne invitasjonen går til alle - anten dei er organiserte i
offisielle organisasjonar eller ei.