Pressemelding
Barne- og familiedepartementet

6. juni 1996

Barnevernet 100 år

Den 6. juni 1896 fekk Noreg den såkalla Vergerådslova - Lov om behandling av forsømte barn. Dette er verdas første barnevernslov og forløpar for dagens barnevern.

- Vergerådslova og dagens barnevernlov hadde same føremål: Å hjelpe barn og unge som ikkje får god nok omsorg og oppseding heime, sa statsråd Grete Berget då ho opna jubileums-feiringa i Oslo i dag. Nærmare 700 fagfolk var samla.

Lova var retta inn mot bestemte sosiale problem i det norske samfunnet, særskilt auka kriminalitet blant unge.

• Tilhøva i dag er annleis enn for hundre år sidan, men både den gong og i dag er det stor aktivitet på barnevernfeltet, sa Grete Berget.
• Målet vårt er å bidra til å skape gode oppvekst- og levekår for barn og ungdom. Dette gjeld for alle unge anten dei veks opp saman med familien sin eller er plassert utanfor heimen sin på grunn av omsorgssvikt, sa Berget.

Statsråden peika på at barnevernet treng ei brei støtte i folket om tenesta skal lukkast med dette. Ho fokuserte også på ein del endringar i barnevernet som til dømes flytting av tvangssakene frå kommunalt nivå til fylkesnemda, betra rettsvern for dei sakene vedgår samt å styrke informasjonssida. Dette meiner ho skal gjere barnevernet opnare.

- Resultata frå dei siste meiningsmålingane om folks haldningar til barnevernet viser ein positiv hovudtendens, men enno er skepsisen stor. Vi vil difor satse på å styrke barnevernets tillit hjå folket og brukarane, sa statsråden.

Hovudmåla framover er sentrert om fire punkt:

• Eit barnevern med høg kompetanse, kunnskap og kvalitet
• Eit godt, variert og heilskapleg tiltaksapparat for barn og unge
• Eit samarbeidande og meir ope barnevern
• Høg rettstryggleik for foreldre og barn i alle faser i barnevernsaker
• Målet er eit lite, men tilstrekkeleg effektivt og sterkt barnevern med høg kompetanse og evne til å gi rett hjelp til rett tid, understreka Grete Berget.