Forslag om nettverk mot barnesex
Historisk arkiv
Publisert under: Regjeringen Brundtland III
Utgiver: Barne- og familiedepartementet
Pressemelding | Dato: 27.08.1996 | Sist oppdatert: 21.10.2006
P R E S S E M E L D I N G
Barne- og familiedepartementet
Dato : 27.08.96
Referanse: 96100
Statsråd Grete Berget i Stockholm:
Forslag om nettverk mot barnesex
Barne- og familieminister Grete Berget går inn for å opprette eit internasjonalt nettverk mot barnepornografi og pedofile kontaktnett på dataområdet. Dette foreslo ho på Verdskongressen om kommersiell seksuell utnytting av barn i Stockholm onsdag.
Statsråden peika på at forslaget inneber å kjempe mot misbruken av dei nye media som verktøy for å utnytte barn. Ho understrekar at dette berre kan skje slik at det ikkje kjem i konflikt med ytringsfridomen.
Grete Berget går inn for at fleire yrkesgrupper som arbeider med barn skal måtte leggje fram politiattest.
- Auka bruk av politiattestar skal verne barna betre mot overgrep. Samtlege tilsette i barnehagane har måtta i følgje barnehagelova leggje fram politiattest før dei får byrje å arbeide i ein barnehage. Regjeringa planlegg å vidareføre dette i eit lovforslag som gjer at det vil verte kravd politiattest for alle i barnevernet anten det er institusjonar, omsorg eller fosterheim, sa statsråden.
Målet til regjeringa er å unngå at dei som tidlegare er tiltala eller straffa for overgrep mot barn, ikkje får moglegheit til å kome attende til miljø der det er mange barn.
Stockholmkongressen er den første i sitt slag som i heilskap set på dagsorden kommersiell seksuell utnytting av barn. Med det meinast her barnepornografi, prostitusjon og sal eller ulovleg handel av barn for seksuelle føremål.
Målsettingane til Stockholm-kongressen:
- klargjere problemas omfang,
- setje søkjelyset på relevante tema som til dømes lovverk, sexturisme, barnepornografi, medias rolle
- diskusjonar skal betre erfaringsutvekslinga og dermed betre framtidig satsing
- vedta ei Erklæring og utvikle ein strategisk Handlingsplan mot kommersiell seksuell utnytting av barn og å verne barn sine rettar.
Lagt inn 27 august 1996 av Statens forvaltningstjeneste, ODIN-redaksjonen