Pressemelding

Nr.050/96
26.09.1996

Erklæring om forsvarsrelatert miljøvernsamarbeid i Arktis mellom Russland, USA og Noreg underteikna i Bergen i dag

Den russiske, amerikanske og norske forsvarsminister underteikna i dag i Bergen ei erklæring om forsvarsrelatert miljøvernsamarbeid i Arktis. Erklæringa fastset rammene for det vidare samarbeidet mellom Russland, USA og Noreg for å løyse miljøproblem som har si årsak i militære aktivitetar i nordområda.

Sidan forsvarsminister Jørgen Kosmo i 1995 tok initiativ til eit forsvarsrelatert miljøvernsamarbeid i nordområda mellom Russland, USA og Noreg, er det halde tre møte mellom landa. Erklæringa, som no er underteikna, fastset rammene for det vidare samarbeidet og vil omfatte arbeid for å motverke og rydde opp både radioaktiv og konvensjonell forureining frå militære aktivitetar. Samarbeidet vil skje gjennom felles prosjekt for å redusere miljøskadar som fylgje av militære aktivitetar i Arktis.