Pressemelding

Kommunal- og arbeidsdepartementet

Oslo, 09.11.95

Arbeidsmarknadsetaten satsar meir på psykiatrien

Regjeringa gjer framlegg for Stortinget om å trappe opp to viktige arbeidsmarknadstiltak for yrkeshemma: Arbeidssamvirke og arbeidsførebuande trening.

Vi gjer framlegg om å omdisponere midlar til å byggje ut 600 plassar i arbeidssamvirketiltak og 300 plassar i arbeidsførebuande trening, seier kommunal- og arbeidsminister Gunnar Berge. Dette er tiltak for dei svakaste gruppene yrkeshemma som har størst vanskar med å kome i ordinært arbeid. Om lag 5 400 personar har slike tilbod får før.

Arbeidssamvirke gjev varig skjerma arbeidsplassar for yrkeshemma som ikkje utan vidare kan gjere seg nytte av andre tilbod om arbeid.

Gjennom denne utbygginga tar vi særleg sikte på at arbeidsmarknadsetaten skal kunne gje eit meir omfattande tilbod til personar med alvorlege psykiske lidingar, seier Berge.

Arbeidsuførebuande trening får nytt regelverk frå årsskiftet. Opplæring, arbeidstrening og sosial trening blir der sett under eitt. Tiltaket skal gje plassar for avklaring og mellombels trening. Målet er at dei yrkeshemma i neste omgang skal kome ut i andre yrkesretta tiltak eller i ordinært arbeidsliv.

Tre av fire yrkeshemma som er registrerte i arbeidsmarknadsetaten, er i tiltak. Eg legg stor vekt på å vidareføre ei slik aktiv linje, seier Berge.