Ca 18 millionar kroner til vassforsyning
Historisk arkiv
Publisert under: Regjeringen Brundtland III
Utgiver: Kommunal- og arbeidsdepartementet
Pressemelding | Dato: 14.08.1995 | Sist oppdatert: 21.10.2006
Pressemelding
Kommunal- og arbeidsdepartementet
Informasjonsenheten, forværelse. Tlf.: (+47) 22 34 68 07
Informasjonssjef Erling Hansen. Tlf. priv.: (+47) 66 91 26 79
Informasjonsrådgiver Anne Marit Schiong. Tlf. priv.: (+47) 22 62 19 67
Oslo, 14.08.95
Ca 18 millionar kroner til vassforsyning
Kommunal- og arbeidsdepartementet har løyvd om lag 18 millionar kroner til utbetringstiltak for vassforsyning. Det er Vardø i Finnmark, Sortland i Nordland, Vestre Toten i Oppland, Meldal i Sør-Trøndelag og Lund i Rogaland som har fått løyvingane.
- Vi støttar tiltak som medfører at vassverka skal kunne levere vatn som er i samsvar med drikkevassforskriftene, seier kommunal- og arbeidsminister Gunnar Berge. - Vi må også ta omsyn til reglane i EØS-avtalen, seier han.
I all hovudsak vil nødvendige utbetringstiltak bli finansierte av brukarane sjølve. Men det er behov for å gi vassforsyninga i landet eit lyft, slik at enkeltvassverk og bedrifter kan unngå sanksjonar fordi dei ikkje oppfyller krava. Støtteordninga omfattar difor berre utbetringstiltak.
Desse prosjekta har fått tilsegn om tilskot til utbetringstiltak:
- Vardø kommune, Finnmark - Bygging av vassbehandlingsanlegg for Vardø Vassverk. Tilsegn om tilskot på inntil 4 millionar kroner ut frå eit kostnadsoverslag på om lag 10 millionar kroner.
- Vestre Toten kommune, Oppland - Utbygging av behandlingsanlegg ved Skjelbreia vassverk. Tilsegn om tilskot på inntil 3,6 millionar kroner ut frå eit kostnadsoverslag på om lag 14,7 millionar kroner.
- Meldal kommune, Sør-Trøndelag - Utbygging av vassforsyning til Grefstad og Løkken. Tilsegn om tilskot på inntil 8 millionar kroner ut frå eit kostnadsoverslag på om lag 20 millionar kroner.
- Sortland kommune, Nordland - Utbygging av vassbehandlingsanlegg ved Sortland vassverk. Tilsegn om tilskot på inntil 1,9 millionar kroner ut frå eit støttegrunnlag på om lag 8,7 millionar kroner.
- Lund kommune, Rogaland - Utbygging av vassforsyning til Heskestadområdet. Tilsegn om tilskot på inntil 350 000 kroner ut frå eit kostnadsoverslag på om lag 1 million kroner.
Lagt inn 15 august 1995 av Statens forvaltningstjeneste, ODIN-redaksjonen