Husbanken: Nye lån får tilbod om 5,7 prosent rente
Historisk arkiv
Publisert under: Regjeringen Brundtland III
Utgjevar: Kommunal- og arbeidsdepartementet
Pressemelding | Dato: 09.11.1995 | Sist oppdatert: 21.10.2006
Pressemelding
Kommunal- og arbeidsdepartementet
Informasjonsenheten, forværelse. Tlf.: (+47) 22 34 68 07
Informasjonssjef Erling Hansen. Tlf. priv.: (+47) 66 91 26 79
Informasjonsrådgiver Anne Marit Schiong. Tlf. priv.: (+47) 22 62 19 67
Oslo, 09.11.95
Husbanken: Nye lån får tilbod om 5,7 prosent rente
Regjeringa la i dag fram ein proposisjon der rente- og avdagsvilkåra for lån tatt opp frå og med 1996 blir fastlagd. Renta på lån med flytande rente blir i frå årsskiftet sett til 5,7 prosent. For lån med fast rente vil Husbanken kunne gi tilbod om ei rente på 7,2 prosent.
- Ei så låg rente viser at det nye systemet for rentefastsetjing i Husbanken gir låntakarane særs attraktive rentevilkår, seier kommunal- og arbeidsminister Gunnar Berge. -Med slike vilkår vil Husbanken kunne fortsetje å vere den sentrale finansieringsinstitusjon for bustader i Noreg. Då vil Husbanken òg kunne påverke kvalitet og standard på bustader og bumiljø på ein offensiv og samfunnsmessig god måte, understrekar Berge.
Renta på lån med flytande rente vil bli justert 4 gonger i året. I første omgang vil Husbanken gi tilbod om fastrentelån med 5-års binding.
Lagt inn 10 november 1995 av Statens forvaltningstjeneste, ODIN-redaksjonen