Statsbudsjettet 1996 - 14 nye stillingar til Arbeidstilsynet
Historisk arkiv
Publisert under: Regjeringen Brundtland III
Utgiver: Kommunal- og arbeidsdepartementet
Pressemelding | Dato: 04.10.1995 | Sist oppdatert: 21.10.2006
Pressemelding
Kommunal- og arbeidsdepartementet
Informasjonsenheten, forværelse. Tlf.: (+47) 22 34 68 07
Informasjonssjef Erling Hansen. Tlf. priv.: (+47) 66 91 26 79
Informasjonsrådgiver Anne Marit Schiong. Tlf. priv.: (+47) 22 62 19 67
Oslo, 04.10.95
STATSBUDSJETTET 1996
14 nye stillingar til Arbeidstilsynet
Regjeringa foreslår 14 nye stillingar til Arbeidstilsynet neste år. Stillingane skal brukast til å styrke tilsynsverksemda.
Nærare 250 000 verksemder er underlagt arbeidsmiljølova og Arbeidstilsynet sitt tilsyn.
- Det er framleis altfor mange verksemder som ikkje følgjer opp ansvaret dei har for helse, miljø og tryggleik. Undersøkingar syner at arbeidet med internkontroll er kome for kort, seier statsråd Gunnar Berge.
For at Arbeidstilsynet skal ha tilstrekkeleg truverd, må det vera visse utsikter til at verksemdene skal bli utsett for tilsyn. Dei siste åra har omfanget av etaten si tilsynsverksemd vore for låg. Regjeringa har som ambisjon at minimum 10 prosent av alle verksemder kvart år skal ha tilsynsbesøk. Dette vil auke etaten si tilsynsverksemd og nærvære i arbeidslivet.
Samtidig vil etaten i endå sterkare grad prioritere tilsynsverksemd mot dei bransjane og verksemdene som har dei største arbeidsmiljøproblema, og som ikkje sjølv tar tak i problema og er medviten om ansvaret.
Samla budsjettforslag for etaten i 1996 er på vel 213 millionar kroner.
Lagt inn 4 oktober 1995 av Statens forvaltningstjeneste, ODIN-redaksjonen